Gëzuar 7 - 8 Marsin !

Me rastin e 7 marsit “Ditës së Mësuesit” dhe 8 marsit “Ditës Ndërkombëtare të Gruas”, Albanian Qatar Foundation uron të gjithë mësueset, mësuesit  dhe të gjitha nënat shqiptare kudo që janë: “Gëzuar!” Ju mësues dhe ju nëna meritoni shumë respekt e mirënjohje, pasi jeni ju ata që edukoni dhe rrisni brezat e rinj.
Më 7 Mars të vitit 1887 në Korçë u hap mësonjëtorja e parë shqipe dhe që prej asaj dite festohet në Shqipëri 7 marsi si dita e mësuesit në përkujtim të kësaj ngjarjeje.

8 MARSI njihet si "Dita e Gruas", në të gjithë botën. Madje në shtete të ndryshme kjo ditë festohet si festë kombëtare. Kjo ditë shërben jo vetëm për bashkimin e grave pa dallim feje, race, kulture, gjuhe dhe prejardhjeje, por edhe për të kujtuar përpjekjet për barazi, paqe, drejtësi pothuajse për një shekull të tërë. Gjithashtu, Albanian Qatar Foundation uron përzemërsisht të gjithë mësuesit dhe mësueset e Albanian Qatar Center dhe Albanian Qatar College dhe të gjitha gratë dhe vajzat bashkëpunëtore të projekteve të Fondacionit në përpjekjet tona të përbashkëta në ndihmë të njerëzve. Urime dhe Gëzuar!