Vleresime per AQC

Me qëllim mbarëvajtjen e aktiviteteve, Fondacioni bashkëpunon me institucione te ndryshme lokale e qendrore si: Minibashkitë e Qytetit të Tiranës, Bashkia Kamzë, Bashkia Vorë, Ministria e Punës, Cështjeve Sociale dhe Shanseve të Barabarta, Shërbimi Social Shtetëror, Ministria e Shëndetësisë, Kryqi i Kuq Shqiptar, Institutin e Nxënësve që nuk Shikojnë, Institutin e Nxënësve që nuk Dëgjojnë, Shtëpinë e të Moshuarve Tiranë, qendra profesionale për mësimin e gjuhëve të huaja dhe kompjuterit, institucione homologe brenda dhe jashte vendit, qendra tregtare, si dhe me institucione të tjera që bashkëpunojnë me ne sipas natyrës së aktiviteteve.

Në kuadër të këtij bashkëpunimi në aktivitetet e Fondacionit kanë marrë pjesë përfaqësues të pushtetit vendor, personalitete të artit, kulturës dhe shkencës, politikanë, përfaqësues të trupit diplomatik të akredituar në Tiranë, si dhe shumë miq dhe bashkëpunëtorë të Fondacionit.

Fondacioni ka marrë shumë letra falënderimi dhe mirënjohjeje nga institucionet qeveritare vendase dhe organizatat e shoqërisë civile, prej të cilave përmendim: Bashkinë Kamëz, Njësinë Bashkiake nr 11 Tiranë, Instituti i Nxënësve që nuk Dëgjojnë, Instituti i Nxënësve që nuk Shikojnë", shoqata "Uniteti Kombëtar i Pensionistëve të Pleqërisë", Qendra Kombëtare e Transfuzionit të Gjakut etj.

Shumë personalitete e kanë vlerësuar punën e Fondacionit nëpërmjet shënimeve të tyre në Librin e Përshtypjeve të Fondacionit dhe shumë institucione kanë shprehur konsideratat më të larta për aktivitetet e Fondacionit nëpërmjet letrave apo dëshmive të falënderimit.